Një grup hakerash që dyshohet se është i lidhur me Iranin tha se kishte fituar akses në e-mailet personale të Drejtorit të FBI-së, Kash Patel , duke publikuar foto të tij dhe materiale që pretendonin të ishin CV-ja e tij.
Në faqen e saj të internetit, Handala Hack Team tha se Patel “tani do ta gjejë emrin e tij në listën e viktimave që janë hakuar me sukses”.
Reuters shkruan se nuk mundi të konfirmonte menjëherë vërtetësinë e emaileve të publikuara. Megjithatë, një mostër e materialit të ekzaminuar duket se përfshin një përzierje korrespondence personale dhe profesionale, që daton nga viti 2010 deri në vitin 2019.
Një zyrtar i Departamentit të Drejtësisë i tha Reuters se emaili i Patel ishte kompromentuar me të vërtetë, por nuk dha detaje të mëtejshme rreth shkallës ose rrethanave të sulmit. FBI nuk iu përgjigj menjëherë një kërkese për koment dhe grupi i hakerave nuk iu përgjigj kërkesave për koment. /
The post Hakerat iranianë vjedhin fotot nga e-mail i kreut të FBI-së appeared first on .
